KHADC in ILP hman phutna resolution siam

Khasi Hills Autonomous District Council (KHADC) chuan Meghalaya-a  Eastern Bengal Frontier Regulation, 1873 hnuaia Inner Line Permit (ILP) system hman a nih ve theihna tura sorkar nawrna tur resolution a siam. 

KHADC CEM, Titosstarwell Chyne chuan kum 2019, December 19 khan Meghalaya Legislative Assembly chuan an state-a ILP hman a nih theihna tura sorkar laipui nawr turin resolution a lo siam tawh tih a sawi. Mahse resolution pass a nih aṭanga kum khat dawn a ral hnuah pawh sorkar laipui chuan a la ngaihtuah sak lo a ni, a ti. 

Chyne chuan union home minister Amit Shah ngei pawhin chief minister Conrad Sangma hoa amah hmutute hnenah Krismas zawh hnuah ILP system hman an dilna chu ngaihtuah a nih tur thu pawh a lo hrilh tawh a, mahse tun thlengin an ngaihtuah zui lo a ni tiin a sawi. 

KHADC-a party hrang hrangte chuan resolution hi an thlawp a, member-te chuan an state leilung fate venhim leh hum­halhna atan ILP hman ngei chu a ṭul nia a ngaih thu an sawi.