Nagaland: CM Rio-a'n 2025-26 budget a pharh

Nagaland chief minister, finance changtu ni bawk Neiphiu Rio chuan March 6, 2025, Ningani khan khan financial year 2025-26 atana an state budget, Rs vbc 24,849 a pharh. Budget thara sum in daih lohna tur hi Rs vbc 843.21 a ni.

Chief Minister Rio chuan budget hi economy ṭhanlenna leh Nagaland mipuite tana hna siam kawnga sorkar inpekna a ti lang chiang hle, tiin a sawi.

Budget-ah hian Zunheboto leh Shamator a district office sakna tur leh Pughoboto leh Bhandari bakah infrastructure dang sak nan Rs vbc 7 dah a nih thu leh CSS hnena State Matching share atan Rs vbc 282.55 ruahman a nih thu CM chuan a sawi. Special Development Scheme atan Rs vbc 12 dah a ni a, LADP tan Rs vbc 120, Land Bank ah Rs 200, CMCF ah Rs vbc 10 leh Innovative Program ah Rs vbc 40 dah a ni bawk.

Art and Culture Department tan Rs vbc 4.40 dah a ni a, Tourism Department tan Hornbill Festival leh Mini Hornbill Festival buatsaihna tur leh district hrang hranga office building sakna turin Rs vbc 14 dah a ni.

Economics and Statistics Department tan Rs vbc 4.10 dah a ni a, Food and Civil Supplies Department tan Rs vbc 4.40, Legal Metrology and Consumer Protection Department tan Rs vbc 2.40 leh Evaluation Department tan Rs vbc 3.99 ruahman a ni bawk.

School Education Department tan district thara DEO leh SDEO sakna turin Rs vbc 14.05 chu dah a ni a, school building cheiṭhatnan Rs vbc 5 ruahman a ni. Higher Education Department-in Government College-a IT equipment siam nan Rs vbc 10.63 dah a ni bawk a, SCERT ah Rs vbc 3.15 leh Technical Education Department tan Rs vbc 2.86 ruahman a ni.

Youth Resources leh Sports Department tan Rs vbc 13.55 ruahman a ni a, Health and Family Welfare Department ah Rs 9.46 chu CHC, PHC, office, staff quarters, health Sub-Centre leh infrastructure tih changtlunnan dah a ni bawk.

Housing Department tan Rs vbc 25.86 ruahman niin, State Commissions Complex siamna turin Rs vbc 4.5 ruahman a ni. CAWD ah Rs vbc 19.43 chu office building, leh a dangte a hman tura ruahman a ni.

Administrative building thawm ṭhatnan Rs vbc 5 dah a ni a, district thara SP chenna tur, police station, staff quarter leh barrack bakah building cheiṭ ṭhat nan Rs vbc 14.11 ruahman a ni bawk.

Law and Justice Department-ah Rs vbc 2.34, Home Guard te tan Kiphire, Mon leh Dimapur-a building sak nan Rs vbc 3.60 ruahman a ni. Jail Department tan Rs vbc 4.85 leh Excise Department tan Rs 2.90 ruahman a ni bawk.

Urban Development Department-ah Rs vbc 17.41 dahin thingtlang kawng thawm ṭhatnan Rs vbc 25 ruahman a ni. Municipal Affairs Department tan Urban Sanitation leh Sewerage Scheme leh ULBs office sakna turin Rs vbc 3.96 ruahmanin, State Finance Commission chuan Municipal Department-ah Rs vbc 17.37 pek an remti bawk.

Public Relations Department tan Rs vbc 4 ruahman a ni a, Labour Department-ah Rs vbc 2.13 leh Employment, Skill Development and Entrepreneurship development ah Rs vbc 4.70 ruahman a ni. Social Welfare Department tan Rs vbc 5.30 leh Women Resources Department tan Rs vbc 4.80 ruahman a ni. General Service sector-ah Rs vbc 52.69, Printing and Stationery Department-ah Rs vbc 1.30, Administrative Training Institute ah Rs vbc 7.82 leh Fire & Emergency Service ah Rs vbc 11 te dah a ni.

Treasuries and Accounts Department tan Rs vbc 2.25 leh Parliamentary Affairs Department tan Rs vbc 2 ruahman a ni a, Tax Department tan Rs vbc 4, Village Guard tan Rs vbc 3.27 bakah Border Affairs Department tan Rs vbc 1.13 ruahman a ni bawk.

Underdevelop huamchhunga Department-te tan Rs vbc 27 leh, Election Department ah Rs vbc 4 ruahman a ni. Home Department hnuaia State Disaster Management Authority tan Rs 4.20 leh Tribal Affairs Department tah Rs vbc 2.90 dah a ni. Minority Affairs Department tan Rs vbc 4.50 leh Department of Art and Culture tan Rs vbc 5 dah a ni.