Tripura: BJP kaihhruai ṭangrual sorkarin kum 2 tlin lawm

Tripura-a Bharatiya Janata Party (BJP) kaihhruai ṭangrual sorkar chuan Inrinni, March 8 khan sorkar an siam kum hnih tlinna an lawm. Nimin Pathianni kha a kum hnih tlinna chiah a ni.

Tripura-ah hian BJP kaihhruai sorkar hmasa ber chu kum 2018 khan dingin Biplab Kumar Deb chu Chief Minister a ni. Mahse kum thum leh a chanve hnuah bangin Manik Saha chuan a thlak a ni. Kum 2023 assemby inthlanah khan BJP hian hnehna chang lehin, Manik Saha chu a term hnihna atan Chief Minister-ah dah a ni leh a ni.

Sorkar kum hnih tlin lawmna inkhawm hi CM Saha chuan kaihruaiin BJP, Indigenous Peoples Front of Tripura (IPFT), leh Tipra Motha aṭanga minister-te bakah sorkar official senior-te an tel. Rajya Sabha MP Rajib Bhattacharjee leh East Tripura Lok Sabha MP Kriti Devi Debbarman te an tel bawk a, CM hlui leh West Tripura MP Deb te erawh an tel lo.

Saha chuan kum sarih kalta chhunga state sorkarin hlawhtlinna lian tham a neihte a tarlang. Tuna BJP kaihhruai sorkar hian kum 2018-a a din tirh aṭang khan hmasawnna leh rorelna ṭha neihna kawngah hma a la a ni,” tiin CM Saha chuan a sawi. Chief Minister a nih theihna chhan chu Tripura mipuite malsawmna a nih thu a sawi bawk.