Khawlai ui leh zâwngte NE-ah thawn rawh u: Delhi NGO

Delhi-a NGO pakhat, The Society for Public Cause chuan khawlaia ui leh zawng tam lutuk chu Prime Minister Narendra Modi faina beihpui thlak tiṭhuanawptu a ni, tiin, Delhi High Court-ah ui leh zâwngte chu India ram hmun kilkhawra deuha sawnchhuah a ngen.

NGO chuan "Ui leh zâwngte hi a sa an ngaih­hlutna hmun Nagaland-ah thawn ni rawh se," tiin Delhi HC hnena ngenna a thehluhah a tarlang.

Punjab-a eptu Congress MLA Ajit Singh Mofar chuan kum 2012 khan Pun­baj-a khawlai uite chu hmarchhak bilah thawn rawh u, tiin assembly in­khawmah a lo sawi tawh bawk.

MLA thusawi hi na tak­in animal rights activist te chuan an sawisel nghal a, in­hmu­­hsitna leh huatawm tak a ni, an ti.

"Khaw lai ui chetla tam lutuk chu manin sahuan emaw ram pilrilah kan dah thei a, a ṭul chuan nasa taka a sa an mamawhna hmun, Nagaland, Mizoram emaw China-ah kan thawnchhuak thei a ni," tiin MLA Mofar hian a sawi.