AP damdawi-in 5 hnenah Vbc 10 ṭheuh pe dawn

Arunachal Pradesh Health and Family Welfare Minister Rajesh Tacho chuan sorkar lai­­puiin state chhunga dam­dawi-in panga te chu cheng vaibelchhe 10 ṭheuh pek a tum thu a sawi.

BJP MLA Mohesh Chai zawhna chhangin, Health Minister Tacho chuan heng dawmdawi-in te hi a tahtawla tih­changtlun an nih tur thu a sawi a, state sorkarin damdawia inenkawlna lam tihchangtlun a tum thu leh hemi atan hian doctor leh hnathawktu ṭhahnem tak a lak tawh thu a sawi bawk a, bungrua changkang ṭhahnem tak a lei tawh thu a sawi bawk.

Tacho chuan Chief Minister's Universal Health Insurance Scheme (CMUHIS) kalpui ṭan aṭangin damlo 5783-in a hlawkna an tel tawh thu a sawi bawk a, CMUHIS hnuaiah damlo 2000 chu state pawnah enkawl an ni tih a sawi.

Health sector lam tihchangtlun nan Na­tional Health Mission (NHM) hnuaiah contract basis-a thawk tur 1,087 lak an nih tur thu a sawi bawk a, general hospitals, district hospital, CHC, PHC leh sub center-a thawk tur hna 675 siam a tum thu a sawi bawk.