NIA-in NDFB(S) hel lakah Charge-sheet thehlut

National Investigation Agency (NIA) chuan nikum December 23-a Assam Sonitpur district-a Adivasi mi paruk thihna thubuaiah Songbijit-a kaihhruai National Democratic Front of Boroland (NDFB-S) hel pali lakah chargesheet a thehlut. Charge-sheet hi Special NIA Court, Guwahati-a thehluh a ni.

NDFB-S helte hi hel pawla assistant organising secretary Sanju Bordoloi (Sibigir), 3rd battalion commanding officer Ajoy Basumatary (B Buhum), 3rd battalion-a deputy commanding officer Nitul Daimary (D Naihab) leh Bishnu Narzary (N Berama) te an ni.

December 23, 2014 khan NDFB-S helte hian Sonitpur district-a Adivasi mite chenna khaw pahnih- Hatijuli leh Shantipur khua an bei a, mi paruk kaphlumin mi ṭhahnem takin hliam an tuar bawk.