India map dik lo chungchangah Modi a ngawi: Felix

Prime Minister Na­ren­dra Modi-a'n kumin May thlaa China a tlawh ṭum khan China media pakhat chuan Arunachal Pradesh tel lohna India map dik lo tarlangin, a zin chungchang news a puang a ni. Hemi chung­changah hian Aruna­chal Pradesh-a rorellai Congress par­ty thupuangtu, Par­liamentary Secretary Bamang Felix chuan Prime Minister Modi chu engmah sawi chhuak ngam lo leh ngawih chuh tlatah a puh.

Felix chuan he thu hi state assembly budget session neih mekah sawi chhuakin, BJP member te pawh an dodal loh avangin a dem thu a sawi bawk.

BJP MLA, eptu hruaitu Tamiyo Taga chuan Felix thusawi chu chhangletin, China chuan kum 1949 aṭangin Arunachal Pradesh state pum chu an ram map leh zirlai buah a telh thu a sawi a, sorkar laipui chuan a dodal reng thu leh hemi avanga India-in China nena an inlaichinna a tihchhiat theih loh thu a sawi.