NE-a thu ziak mite dah pawimawh dawn

July 24 aṭanga Che­n­gan­nur, Kerala-a ni thum awh, South India Writers’ Ensemble (SIWE) lite­rary festival neih turah hmarchhak biala thu ziak mite dah pawimawh dawn.

Kumina literary fes­tival hi People for Per­forming Arts and More (PAMPA)-in a buatsaih a, hmarchhak ziak mi ṭha­hnem tak sawm an ni.

"Kum tinin SIWE-in festival a buatsaihah India ram hrang hranga bial khat thu ziak mite dah pawimawh an ni ṭhin a, an chenna bial nun phung zirna leh hriatzauna remchanga hman ṭhin a ni. Kuminah chuan hmarchhak bial literature dah pawimawh bik a ni," tiin SIWE thuchhuak chuan a tarlang.

SIWE literary festival-ah hian hmarchhak bial aṭangin Kynpham Singh Nongkynrih, Streamlet Dkhar, Mitra Phukan, Robin S Ngangom, Apur­ba Saikia, Ananya S Guha, Jahnavi Barua, Nitoo Das, Anupama Basu­matary, Jiban Narah, Dhruba Hazarika leh Vishu Rita Krocha te an tel ang.