Mihringa sumdawn dona beihpui thlak dawn

Nobel Peace Prize dawngtu Kailash Satyar­thi chuan a pawl din thar hmangin Assam-a mihringa sumdawn dona beihpui thlak a tum thu a sawi.

Kailash Satyarthi Children Foundation chuan mihringa sumdawnna tuarte chhawmdawl nan leh enkawl nan welfare fund siam a tum a, hmalak chhoh zel dan tur ruahmanna pawh tihfel thuai a tum thu a sawi.

Satyarthi chuan a foundation din thar atan hian sumdawng liante hnen aṭanga cheng vaibelchhe khat a dawn theih a beisei thu a sawi a, Assam-a beihpui thlakna atan Chief Minister-in state sorkar aṭanga sum thawh a huam thu a hrilh tih a sawi bawk.

"Chief Minister Tarun Gogoi nen meeting kan neih ṭumin rawtna pathum ka siam a, mihringa sum­dawnna tuartu chhawm­dawl kawnga sorkar hma­lakna tur te, damdawia enkawlna pekte leh an chhuah zalen hnua dan rorelna dik sualpui te pawh a pawimawh thu ka hrilh a ni," tiin Satyarthi chuan a sawi.

Assam aṭanga Del­hi-a pemte leh lutte chungchang buaipuitu atan Assam House Delhi-a senior official te chu ruat turin Chief Minister ka ngen bawk a, hei hi As­sam aṭanga mi rukbote chhanchhuah kawngah a ṭangkai dawn a ni, a ti.