NE-a central project Rang zawka kalpui duh

Development of North Eastern Region (DoNER) Minister Jitendra Singh chuan Delhi-a hmar­chhak state Resident Com­mis­sioner te chu an state ṭheuha sor­kar laipui pro­ject kalpui mekte chak zawka kalpui a nih theih nan a ṭul angte enpui a, inrawlh turin a ngen.

DoNER Ministry leh hmarchhak state pariat Resident Commissioner te joint meeting-ah DoNER Minister Singh chuan he thu hi sawiin, hmarchhak biala central project kal­­pui mekah detailed pro­­­ject reports (DPR) theh­luh hun tihkhawtlai chung­changah complaint tam tak a awm thu a sawi a, hei hian project a tana senso a tipun bakah pro­ject kalpuina atana mimal ram lakna a tikhawtlai ṭhin a ni, a ti.

Hetiang thilah hian Resident Commissioner te chuan rang zawka file a kal theih nan anmahni state sorkar leh central sorkar inkarah inrawlhin file kal chak zawk nan tihtheih an nei a ni, tiin DoNER Minister Singh chuan a sawi bawk.