Meghalaya Governor-in a chawlh lak a pawtsei

Meghalaya Governor Tathagata Roy chuan a chawlh lak hun a pawtsei a, engtikah nge a hna a zawm dawn tih Raj Bhavan chuan a la sawi chiang thei lo. 

Governor Roy hian Citizenship (Amendment) Act (CAA) duh loha nawrh huaihawtte chu sawiselin, CAA dodaltute chu an duh leh North Korea rama kal mai turin a ti a ni. A thusawi hian sawisel leh dem a  hlawh nasa hle a, hei vang hian nikum December 18 khan chawlh la mai tura tih a nih phah hial a ni. A chawlh lak hi Inrinni khan a zo a, mahse a hna zawm loin chawlh a lak belh leh a ni. 

Ministry of Home Affairs (MHA) chuan Governor Roy hi a hna zawma Shillong-a a kir leh mai chuan Meghalaya-ah buaina a chhuah thar an la hlauthawng a ni. Meghalaya-ah hian CAA duh lohna lantir chhunzawm reng a la ni a, zirlai leh ṭhalai pawl hrang hrangte chuan Inner Line Permit (ILP) system hman thuai an phut bawk.