Tripura : Amit Shah high-level meeting-ah CM tel dawn

Tripura chief minister Manik Saha chu March 16 hian Guwahati a tlawh dawn a, union home minister, Amit Shah kaihhruaina hnuaiah high-level meeting an nei dawn. Meeting-ah hian India rama justice system siamṭhat tumna, criminal law siam thar pathumte kalpui dan tur ngaihtuah a ni ang.

CM Saha hian March 15-ah Tripura a chhuahsan dawn a, March 16-ah Guwahati-a Amit Shah-a kaihhruai meeting-ah a tel dawn a ni.

Meeting neih tura inbuatsaihna atan CM Saha chuan March 10 khan review session a kaihruai a, heng dante hi Tripura-in a kalpui theih nan a inpeih leh inpeih loh a zirchiang a ni. Session-ah hian Tripura police senior official-te an tel a ni.

Facebook-ah CM Saha chuan, Tripura-a Criminal Act thar pathum kalpui dan tur review meeting kaihruaiin, stakeholder department zawng zawng, home, police, law, prosecution, forensic, health, prison te an tel a ni, tiin a ziak.

Saha chuan a kaih-hnawih department zawng zawngte chu inremna siamin, dan tharte mumal taka kalpui a nih theih nan hma la turin a hriattir bawk.