Dan phal loha pemlutte'n NE-ah mihring tipung: NEC

North Eastern Coun­cil (NEC) member Chan­dra Kanta Das chuan rampawn aṭanga hmar­chhak biala pemlutte chu hmarchhaka mihring punchak chhan a ni, a ti.

Kar kaltaa NEC Se­cre­­tariat, Shillong-a Agri­culture and Allied sectors review meeting-ah Das chuan he thu hi a sawi.

Mihring pung chak lutuk avangin thlai chin theih ram a tlem phah thu a sawi a, Assam-a mi pa­khatin ram a neih zat chawh­rual chu hectare khat chauh a nih thu a sawi. Ram zim te aṭanga thlai tharte tihpun a pawimawh thu a sawi bawk.