Manipur-ah lemchanna khawpui din dawn

Lemchan zirna hmun­pui Manipur-a din tura rua­hman chu sorkar lai­pui­in Arunachal Pradesh-ah a sawn leh tak avangin Manipur sorkar chuan amah­in lemchanna khaw­pui (film city) din a tum.

Chief Minister Ibobi Singh kaihhruaina hnuaia high level meeting neih­ah tun hnai khan he thu­tlukna hi siam a ni.

Prime Minister Na­rendra Modi-a kaihhruai sorkarin thuneihna a chan hnuah sports university, smart city leh film city project pathumte hi Manipur tan ruahman a ni a, mahse film city project hi Arunachal-ah sawn a ni a, hei vang hian Manipur sorkar chuan amahni project kaltlangpui a tum ta a ni.

Film city dinna atana Khundrakpam-ah ram acre 24.44 a nei tawh a, mahse film city atan hian ram care 200-a zau mamawh a ni. Film city-ah hian lemchanna tur hmun siam a nih dawn bakah lemchan zirna-in hawn tum a ni bawk.