Assam : CM in DC, co-district commissioner-te conference hmasa ber kaihruai

Assam chief minister Himanta Biswa Sarma hoin, March 11 khan Guwahati-a Lok Sewa Bhawan-ah District Commissioner leh Co-District Commissioner-te conference hmasa ber neih a ni. He Conference-ah hian Assam cabinet minister - Atul Bora, Ranjeet Kumar Dass, Keshab Mahanta, chief secretary, Dr Ravi Kota leh senior official dangte an tel.

Meeting-ah hian CM Sarma chuan mipuite hamṭhatna leh rorelna tihchangtlunna tura hmalakna hrang hrang te, leh thil pawimawh dang eng emaw zat ennawnna a nei. Budget puan tak zawng zawng kalpui tur leh Advantage Assam 2.0-a hlawkna awmte chu tipung turin thuneitute a hriattir bawk.

Conference neih chhung hian CM Sarma chuan sorkar scheme pawimawh tak tak kalpui dan tur leh thil pawimawh dangte chu uluk taka thlirletna neiin, state hmasawnna ti chak lehzual turin thupek pawimawh eng emaw zat a chhuah a ni.

Meeting a thu pawimawh dang ṭhenkhat an sawi hote chu, thingpui huana hmeichhe naupaite zangnadawmna pek, PMAY home-a geotagging tih chak, Mission Basundhara 3.0 hun bi neia resolution siam, Orunodoi, CM Mahila Udyamita Abhiyan tihchangtlun leh gamosa Rs nuai 5 sem, U-Win platform ṭha taka kalpui, leh Tuberculosis (TB) natna umbo tumna te a ni.

Chief Minister chuan service pekna tihchangtlunna tura Co-District Commissioner-te chanvo tihchak dan tur leh, Panchayat inthlan lo awm tur atana inbuatsaih dan tur a sawipui bawk.