Assam police-ten JEE topper man

Assam Joint Entrance Exam (JEE) topper Neel Nakshatra Das chu exam naah amahin chhang loa, a hminga midang chhantira puh a nih chungchangah Nilaini khan police-ten an man. 

Azar police station official-te chuan Neel Nakshatra Das bakah a fapa Jyotirmoy Das leh examination centre-a duty midang pathum an man bawk a ni. 

September 5 khan JEE exam hi neih a ni a, topper Das hian 99.8% a hmu a ni. Mahse October 23 khan Azara Police station-ah topper lakah hian FIR thehluh a ni. 

FIR thehluttu Mitradev Sharma chuan topper hi Guwahat-a Borjhar area-a centre-a exam tur a ni a, mahse biometric attendance lak a nih hnuah candiate hi invigilator puihnain examination hall aṭangin a chhuak a, a aiah midangin exam hi a lo chhansak niin a sawi. He candidate nu le pa hi doctor ve ve niin a sawi bawk.

He thil thleng chhui chiang tur hian Assam police chuan special investigation team (SIT) a din nghal a ni.