Manipur-ah NPP tan Meghalaya CM campaign

Meghalaya chief minister leh National People's Party (NPP) president Conrad Sangma chu Manipur by-election neih tura NPP tana campaign-in nimin khan Imphal-ah a kal. 

Conrad Sangma rual hian an party hruaitu eng emaw zat an kal bawk a, nimin vek khan Shillong lamah an kir leh nghal a ni. 

Manipur-ah November 7 hian by-election hi neih a ni dawn a ni. 

By-election hi assembly con­stituency pangaah neih tura tih ni mah se, Singhat constituency-ah BJP candidate Ginsuanhau Zou chu chuhtu awm loin a tling nghal a, Nilaini khan MLA atan rinawmna thu tiamtira lakluh a ni. Hei vang hian constituency paliah chauh vote hi thlak a ni ang. 

MLA atana lakluh thar, Zou hi kum 2012 leh 2017 khan assembly inthlanah Congress ticket-a thlan tlin ve ve lo ni tawh a ni. Mahse Congress MLA hel panga zingah telin, BJP a zawm a, August thla khan anti-defection law hmangin MLA an nihna aṭangin ban an ni. 

By-election neih turah BJP chuan candidate tan dah leh nghalin, chuhtu awm loin a tling ta a ni.