Tripura : Budget session rei ber neih a ni dawn

Tripura Parliamentary Affairs minister Ratan Lal Nath chuan Nilaini khan Tripura budget session chu March 21 aṭanga ṭanin April 1 thleng chhunzawm a nih tur thu a puang a, session hi ni sarih chhung neih a ni ang. Hei hi tun hnaia assembly session rei ber a ni dawn a, treasury bench leh eptu bench-te pahnih chuan sawihonaah inremna siamin, session chu thil pawimawh zawng zawng ngaihtuah theihna turin a rei tawk tur a ni, tiin Minister chuan a sawi.

He thu hi Tripura Legislative Assembly Speaker, Biswa Bandhu Sen kaihhruaina hnuaia Business Advisory Committee member-te telna meeting neih zawhah a puang a ni.

March 21-ah session ṭan a ni ang a, hemi ni vek hian budget leh supplementary budget an pharh dawn bakah, zawhna chhanna hun hman a ni ang. Eptu party-te chuan March 28 thleng session nei turin an ngen a, mahse committee member dangte nen an sawiho hnuah, Thawhlehni thleng pawhsei an rel thu Nath chuan a sawi bawk.

Rorellai leh eptu party MLA-te ngaihdan inthlunzawmna ṭha zawk a awm theih nan BAC member-te'n session rei zawk neih an remti tih a sawi bawk a ni.