ULFA (I) helte dodalna Assam-ah lantir

United Liberation Front of As­sam-Independent (ULFA-I) helte'n pawisawilote chunga tharum thawhna an lantir ṭhin avanga lungawi lo, mi 100 chuang chuan Pathianni khan Guwahati-ah helte dodalna lantirin kawng an zawh.

Patriotic People's Front of Assam (PPFA) chuan kawngzawh hi a huai­hawt a, Guwahati Press Club aṭanga kawng zawh ṭanin, helte an dodalna thuziak an ken bakah an duh loh thu an auchhuahpui bawk.

PPFA thuchhuak chuan, "Paresh Barua kaihhruai ULFA (I) helte hnenah hian thuchah puan kan duh a, pawisawilote chunga tharum thawhna an thlente an bansan nghal a ṭul a ni," tiin a tarlang.

PPFA chuan Bangladesh mi Assam-a an lo luh theih nan helte chu tualchhung mite vau chingah ULFA helte chu an puh bawk a, pawisawi lote chunga tharum thawhna chu a tawp a ngai a ni, a ti.

Hetihlai hian Upper Assam biala pawl hrang hrang ṭangrualte chuan nimin khan National Register of Citizens (NRC) kalpui dana an lungawi loh lantirna atan leh Guwahati chhehvel forest rama chengte hnawhchhuah phutin, darkar 12 awh bandh an huaihawt.

Asam Sahitya Sabha chuan NRC update-naah leilung fate chu lehkha pawimawh thil tel ngai tel loa NRC-a ziahluh vek phut an tum thu a sawi.