Meghalaya : NPP president atan CM thlang nawn

Meghalaya chief minister Conrad K. Sangma chu National People's Party (NPP) national president atan thlan nawn a ni. Cabinet Minister hlui, Paknga Bage chu General Secretary atan thlan a ni a, Mehtab Agitok Sangma chu National Treasurer atan thlan tlin ni bawkin, Delhi-ah organizational inthlan neih a ni.

Tlan tlin a nih hnuah hian Meghalaya chief minister chuan X-ah lawmthu sawiin, Party tihchak a tum thu a sawi nawn leh bakah, National People's Party National President atana thlan nawn a ni leh, hruaitu ni tura an rin ngam avangin NPP chungah lawmthu a sawi a, an thawhhona chuan NPP chu mipuite beiseina leh duhthusam nen state chhungah dinhmun sang taka an hruai chhunzawm zel tur thu a sawi a ni.

CM Sangma chuan kum 2025-28 chhunga National Committee turte pawh puan an nih vat tur thu a sawi tel.

Sangma chuan kum thum chhung chu he hna hi a chelh chhunzawm dawn tih sawiin, NPP constitution angin Annual General Body Meeting (AGM) chu kum khatah vawi khat neih thin a nih thu a sawi bawk.

National People’s Party danpui angin kum tin general body meeting hi kum khatah vawi khat an neih tur thu a sawi. General body meeting pawh hi a pawimawh hle a, president a nihna term a tawp tawh thu leh mipui, party leh palaite'n President ni tura an thlan nawn leh avangin lawmthu a sawi a, rawngbawlna hun remchang min pe leh ta a ni, a ti.