Congress-in APSC buaina CBI chhuitir duh

Assam Congress hruaitu, MP hlui Ki­rip Chaliha chuan Assam Public Service Commission (APSC) hna lak dan fel lo chu Central Bureau of Investigation (CBI) chhuitir a duh thu a sawi.

"APSC buaina hi a lian hle a, kum hnih/thum kalta khan chhuitir turin Chief Minister ka ngen tawh a ni. Tunah chuan neutral agency, CBI ngeiin a chhui a ṭul a ni," a ti.

Chaliha chuan APSC exam paltlang tuma official te hnena thamna sum tam tak pete pawh a hriat thu sawiin, hna lak dan fel lo chu hun rei tak aṭanga kalpui ṭan a nih tawh thu a sawi bawk.

"APSC chu Assam-a sorkar inrelbawlna innghahna a ni a, chu vangin Chief Minister chuan a then fai hna hi a ngaihpawimawh a, a kalpui thuai ka beisei tlat a ni," tiin a sawi bawk.

Chaliha chuan APSC-a thil fel lo chu Madhya Pradesh-a Vyapam scam tluka a len loh thu sawiin, thil dik lo chu khaikhin chia a ruat loh thu a sawi. "Eirukna a awm chuan sorkarin a chhui nghal tur a ni," tiin a sawi bawk.

Krishak Mukti Sangram Samiti (KMSS)-in CBI chhuitir tura a phut chu Chaliha chuan a thlawp thu a sawi bawk.