Arunachal-in lei laih khuahkhirh a tum

In lian leh thil dang sakna atan lei laihin leimin a thlen ṭhin vang leh kawngpui a tihchhiat ṭhin avangin Arunachal Pradesh sorkar chuan lei laih khuahkhirhna dân siam a tum.

Chief Secretary Ramesh Negi chuan state chhunga lei laih dan enfiah turin committee a din tawh a, report thehluh a nih hnuah awmze nei zawka khuahkhirhna tur dan siam a ni ang.

Committee chuan Assam Hill Land and Ecological Sites (Protection and Manage­ment) Act, 2006 a zirchiang dawn bawk a, hemi kalphung hmangin dan siam dan turah rawtna a siam ang. Dan hnuaiah lei lai turte chuan phalna an neih hmasak a ngai tawh ang a, phalna nei lote chu dan hmanga hrem theih an ni ang.