Tripura sorkarin thla hlawh atan vbc 1,473.12 pawtpeng

Tripura-a Left Front sorkar chuan a hnathawkte thla hlawh atan kum nga chhungin sorkar laipui fund cheng vaibelchhe 1,473.12 a pawtpeng.

Eptu hruaitu, Sudip Roybarman chuan he thu hi sawiin, kum 2010-11 aṭangin sorkar laipuiin state sorkar chu sorkar laipuia hnuaia hnathawkte thla hlawh lak zat tlukpui a hnathawkte a pek theih nan fund tam tham tak a pe a, mahse Chief Minister Manik Sarkar-a kaihhruai sorkar chuan a hnathawkte thla hlawh tihpun lam hi a ngaihthah tlat a ni, a ti. "Hei vang hian project dang atana sum ruahman sa aṭangin sorkar hnathawkte thla hlawh tur hi pawhpen ṭhin a ni. State sorkarin a hnathawkte thla hlawh a ngaihthahsak avangin vawiinah chuan Tripura-a sorkar hnathawkte chu India rama hlawh hniam ber an ni," a ti.

Eptu hruaitu Roybarman chuan kum 2009-2010 chhunga thla hlawh atana sum ruahman vaibelchhe 170.29 chu hman loha a awm thu a tarlang bawk a, kum 2010-2011 chhungin salary head-a dah vaibelchhe 160.54 hman loha a awm thu a tarlang bawk.