Manipur : Bungraw phur truck 439 Imphal-ah thleng

Manipur-a Kuki-Zo chenna hmuna Meitei mite zalen taka veivah khap a nih laiin, Pathianni khan Imphal-ah bungraw pawimawh leh petroleum phur lirthei 439 an thleng.

Manipur Police control room report-in a tarlan danin, Pathianni khan thuneitute chuan Manipur tlangram biala National Highway-ah Nakas/Checkpoint 110 a siam a, hei hi Assam leh Nagaland aṭanga lirthei lo kalte mumal leh himdam taka an tlan theihna tura buatsaih a ni. Heng bungraw phur lirtheite hi Manipur NH-a ṭhenawm state aṭangin Kuki Zo pawl ṭhenkhatin highway-a Meitei te kal khapna an siam chung pawhin Imphal an thleng a ni.

Police control room chuan thuneitute chu NH-37 leh NH-2-ah bungraw pawimawh phur lirthei 115 leh 324 te chu an tlan theih nan venhimna an pek thu an sawi. Lirtheite hi zalen leh him taka an tlan theih nan hmun ralṭi leh derthawng zual laiah security convoy dah a nih thu report chuan a tarlang.

Security force-te chuan intelligence-based combing operation neiin, state aṭanga ralthuam rukbo, chhuhsak leh dan phalloha ralthuam kawl zawng zawng hmuchhuah vek an tum thu report chuan a tarlang bawk.