Arunachal Pradesh: Minister in Anjaw-a infrastructure project pawimawh enfiah

Arunachal Minister of Women and Child Development, Science Technology & Research, leh Art & Culture, Dasanglu Pul chuan Indo-China ramri bula Anjaw district tlawhin, connectivity leh zirna infrastructure tihchangtlunna tura hmasawnna project pawimawh tak takte a enfiah.

Minister hi endikna neih chhung hian Anjaw Superintendent of Police Riki Kamsi, DPDO District Panchayat Development officer Dakli Gara, PWD AE Gobin Ete, AMDO Assistant Mineral Development officer Bridenso Yun, Hawai CALSOM chairman Asendo Mitti, leh Blong Gram Panchayat chairperson Lesamso Minin te'n an ṭawiawm a ni.

Project thlirlet mek zingah hian NH-113 aṭanga Charnai khaw panna kawngpui tihchangtlun, Old Hawai Town panna kawngpui bypass siam, Hawai-a KGBV School leh Walla Middle School, Type-2 building pahnih tihchangtlunte a tel. Hei bakah hian Hawai-a NGI Village leh Walla Changung Village inzawmkhawmtu CC pavement link road-te hmasawnna a zirchiang bawk.

Heng hmalaknate hian district hla tak tlawhpawh theihna a siam dawn a, chutih rualin tualchhung mite tan zirna hmunte pawh a tichak dawn a ni. Kawngpui inthlunzawmna siamṭhat a nih chuan service pawimawh awlsam zawka hmuh theih a ni dawn a, school infrastructure tihchangtlun chuan zirlaite tan zirlai boruak ṭha zawk siamin hlawkna a thlen dawn a ni.

Minister Pul chuan district hmasawnna zawng zawnga a inpekna tarlangin, Anjaw mipuite tana hun remchang ṭha zawk leh nunphung tihchangtlun a nih theih nan ramri-a infrastructure lama hmasawnna nghet tak neih a pawimawh thu a sawi.