Zeliang-a'n Naga peace talk chungchang PM a sawipui

Nagaland Chief Minister TR Zeliang chuan Ningani khan Prime Minister Narendra Modi hmuin, remna zawnga National Socialist Council of Nagaland Isak-Muivah (NSCN-IM) leh sorkar laipuiin inbiakna an neih mek chungchang a sawipui.

Chief Minister Zeliang hi Nagaland political party hrang hrang MLA 18-in an ṭawiawm.

Prime Minister Modi chuan Naga peace talk chinfelna atan sorkar laipui hmalakna tarlangin, hmarchhak bial hmasawnna atan a kaihhruai sorkarin theihtawp chhuah a tum thu a sawi.

Zeliang chuan Naga pawl hrang hrang te leh mipuite'n remna leh muanna an duh thu sawiin, peace talk chu a hmawr bawk thuai an duh thu PM Modi hnenah hian a thlen bawk.

Nilainia NITI Aayog meeting chungchang tarlangin Modi chuan sorkar laipui ruahmanna siamte chu hmarchhak bial thlak dang­lam thei tur a ni, a ti a, Naga political issue chinfel nan a kaihhruai sorkar chuan theih­tawp chhuah a tum thu a sawi.