AP-in hydel project atan vbc 1,495.62 a dawng

Arunachal Pradesh chuan kum 10 kalta chhung khan hydropower project kalpuina atan power company te hnen aṭangin cheng vaibelchhe 1,495.62 a dawng.

Chief Minister Nabam Tuki chuan assembly inkhawmah BJP MLA Tage Taki zawhna chhangin he thu hi a sawi a, power project kalpuina atan power company 159 chu memorandum of understanding (MoU) leh memorandum of agreement (MoA) an ziahpui thu a sawi bawk.

Tuki chuan inremna thuthlung an ziah aṭangin power megawatt 46,938.02 siamchhuah theih an beisei thu sawiin, project 11 chu MoU leh MoA zawm a nih loh avangin tihtawp a nih thu a sawi a, heng zinga project pali chu harsatna chinfel a nih hnuah kalpui tura phalna pek leh a ni, a ti.

Kum 10 chhunga Arunachal Pradesh-in power project atana central public sector undertaking (PSU) leh private power company te hnen aṭanga sum a hmuh dan chu a hnuaiah tarlan a ni.

Kum Pawisa hmuh zat

(in crores)

2005-2006 Rs 14.88

2006-2007 Rs 40.72

2007-2008 Rs 347.20

2008-2009 Rs 519.62

2009-2010 Rs 229.16

2010-2011 Rs 181

2011-2012 Rs 56.24

2012-2013 Rs 1.49

2013-2014 Rs 53.23

2014-2015 Rs 52.03

Total Rs 1,495.62