Bill thar buaipui tur committee din dawn

Manipur sorkar chuan mipuite phut anga Manipur Regulation of Visitors, Tenants and Migrant Workers (MRVTMW) Bill, 2015 a hnuhkir hnuah leilung fate humhalhna tur dan thar buat­saih turin draft committee din a tum.

Pemlutte laka aṭanga leilung fate humhalhna atana inner line permit (ILP) system kalpui phuttu Joint Committee on Inner Line Permit System (JCILPS) chuan March 16 special session-a state sor­karin a pass, MRVTMW Bill hi a hriam tawk lo tiin, hnuhkir phuta nasa taka nawrh a huaihawt hnuah state sorkar chuan Nilaini khan emergency session koin a hnukkir a ni.

State sorkar chuan thla thum chhunga bill thar siam a tum a, mahse JCILPS chuan ni 15 chhunga bill thar duang fel turin state sorkar a phut thung.

An thil phut nawr nan Ni­nga­­ni khan JCILPS chuan Imphal-ah darkar 12 awh bandh a huaihawt leh nghal.