Bodo zirlai nuai 2-in PM lehkha an thawn
Assam-a Bodo zirlai nuai hnih chuan Bodoland state hran siam phutin, Prime Minister Narendra Modi hnenah lehkha an thawn.
Prime Minister hnena lehkha thawn hi state hran siam phutnaa All Bodo Students’ Union (ABSU) hmalakna pakhat a ni a, an thil phutah Prime Minister Modi chu inrawlh turin an ngen.
ABSU general secretary Lawrence Islary chuan Bodo te thil phut tihpuitlinna atan NDA sorkarin hma a laksak ngei a beisei thu a sawi a, BJP chuan kum 2014 Lok Sabha inthlanah state thar siam chungchang chu chinfel a tiam a ni, a ti.
Bodoland state hran phutna chungchangah nikum khan pawl pathum- Bodo aiawhte, sorkar laipui leh Assam sokar telna inbiak vawi chauh neih a la nih thu ABSU hruaitu chuan a sawi a, inbiakna hi political level a nih loh thu leh sorkar officer level chauh a nih thu a sawi. Nikum June 9-a inbiakna hian thil thar engmah a thlen phah loh thu Islary chuan a sawi bawk.
Hetihlaia hian Kokrajha-a pawl 12 zirlai chuan PM hnena lehkha an thawn chungchang hi sawiin, Bodoland state hran siam phutnaa a tel thei chu lawmawm a tih thu leh a lehkha thawn chuan PM hnen a thlen ngei a beisei thu a sawi.