Meghalaya: Global trade leh investment summit thleng dawn

Meghalaya chuan March 25 aṭanga 27 chhung hian Act East Business Show vawi 7-na a buatsaih dawn. BBIN (Bangladesh, Bhutan, India, Nepal) leh ASEAN ramte inkara sumdawnna leh investment lama inzawmna tichak turin diplomat, sumdawnna lama hruaitute, leh policy siamtute an inhmukhawm dawn a ni. He hun hi Meghalaya sorkarin Indian Chamber of Commerce nen ṭangkawpin a buatsaih a, Shillong State Convention Centre-ah neih a ni ang.

Summit hi chief minister Conrad K Sangma-an a hawng dawn a; technology, agriculture, manufacturing, leh tourism sector hrang hranga economy lama thawhhona chungchang sawihona neih a ni ang. India rama sorkar official senior leh Philippines, Germany, Indonesia, Cambodia, UAE, Japan, Bangladesh, Bhutan, leh Nepal aṭanga mi thiam tak takte chuan an tel tur thu an sawi tawh bawk.

He hunah hian Meghalaya-a investment neih theihna tur, sumdawnna tih awlsamna, leh regional economic partnership chungchang exhibition leh sawihona neih a ni ang. Technology, infrastructure, leh sumdawnna kalphung lama hmasawn dan tur sawi a ni dawn a, sumdawnna lama thawhhona awlsam zawk nan B2B leh B2G meeting neih a ni dawn. Sumdawnna tihpun leh policy thlawpna lam ngaih pawimawh a ni ang.

Ni thum chhung awh tur inkhawmpuiah hian helai biala economy ṭhanlenna ngaihtuaha inbiakna neih tum niin, Meghalaya-in hun rei tak daih tur sumdawnna leh investment a kalpui dan tur tarlanna session hmanga tihtawp a ni ang.