Medical seat 75% NE zirlaite tan hauhsak duh

North Eastern Council (NEC) member thar Chandra Kanta Das chuan hmarchhak biala medical college seat chu hmarchhak zirlaite tan 75% hauhsak a duh thu a sawi.

Das chuan hmarchhak bial­ah doctor indaihlohna a nasat thu sawiin, he harsatna phuhruk nan hian medical college-ah hmarchhak zirlaite tan seat tamzawk hauh a ngai niin a sawi.

"Hmarchhak bial medi­cal college-a seat 50% chu hmar­chhak state pawn lam mite tana hauh a ni a, hmarchhak state zirlaite tana seat tam zawk hauh a nih chuan health care service-in a ṭhat phah dawn a ni," a ti.

Hmarchhak biala doc­tor mamawhna sang takah doctor thiam tak aiin doctor neih tam hrim hrim pawimawh a tih thu Das chuan a sawi a, hemi rual hian hmarchhak doctor ṭhenkhat thingtlanga hna thawk duh lo an awm chu vanduaithlak a tih thu a sawi bawk.

"Mipuite mamawhna avangin doctor te chu inhriat­thiam tawnna neihpuia thing­tlanga lama hna thawk turin ngen an ngai a ni," a ti.