Assam : Healthcare facility changtlung zawk dah dawn
Assam chief minister Himanta Biswa Sarma chuan state sorkarin state chhung hmun tinah healthcare facility changtlung zawk dah an tum thu a sawi.
Tamulpur Medical College & Hospital chuan state chhung hmun tinah healthcare facility hmasawnna thlen theihna tura an hmalakna chu a tihchak leh zual tur thu sawiin, ṭhalaite tan hun remchang tam zawk siam a nih tur thu CM Sarma chuan X-ah a post.
Congress-in thuneihna a chan lai khan hun rei tak chhung chu medical college pathum chauh a awm a, tunah chuan state pumah medical college 23 an sak mek thu leh, kum khat chhungin Darang, Hojai, leh Hailakandi district-ah pathum dang sak tan an tum thu CM Sarma chuan a sawi bawk.
Chief minister hian Thawhlehni khan Silchar, SM Dev Civil Hospital-ah khum 50 awmna Critical Care Block sakna tur lungphum a phum a, critical care block thar hi sqm 6,335-a zau a ni dawn a, ground-plus-four-story structure a awm dawn a, medical service changkang zawk leh, ICU, operation theatre, isolation ward, leh pediatric care unit te pawh a awm dawn a ni. He project atana sum sen tur chu Rs vbc 24 vel a ni.
CM Sarma chuan Silchar-ah New Circuit House sakna tur lungphum a phum bawk a, hei bakah hian khum 200 awmna damdawi-in thar sak tum a nih thu leh khawpui chhunga lirthei tlan tam lutuk tihziaawmna turin flyover siam a tum thu a puang bawk.