Meghalaya: Byrnihat industry-te pollution audit kimchang nei dawn

Meghalaya sorkar chuan Byrnihat-a industrial unit zawng zawngte chu rang taka audit turin thupek a chhuah a, hei hi boruak bawlhhlawh nasa tak a awm nia report a nih vang a ni. Commissioner leh Secretary for Forest & Environment, Pravin Bakshi-a thupek angin Meghalaya State Pollution Control Board (MSPCB) chu unit te endik a, ni sarih chhunga report thehlut tura tih a ni.

Tunhnaia state assembly-ah thusawiin, CM Sangma chuan Byrnihat-a boruak quality tlahniam chungchanga international leh national report-te sawichhuakin Assam nen thawhho a ṭul tih a sawi. Boruak bawlhhlawh nasa tak thlentu 'red-category' industry tam zawk chu Assam lam Byrnihat-a awm a nih thu a sawi bawk.

Assam Pollution Control Board chuan an ram chhunga industrial unit hrang hrangte audit an ṭan tawh a, hetih mek lai hian Meghalaya chuan a huam chhunga boruak bawlhhlawh enfiah leh tihziaawmna turin hmalakna khauh tak a kalpui a ni.

Sangma chuan boruak bawlhhlawh vanga harsatna zual zel sutkian nan Assam nena thawhhona (collaborative action plan) a rawt bawk. State sorkar pahnihte thawhdunna chuan Byrnihat boruak lama harsatna awmte hmachhawn a, mipui hriselna humhimna tur leh industry ngelnghet tak kalpui tura fuih tura inpekna a tarlang a ni.