Arunachal: Minister leh Union Civil Aviation Minister inkawm

Arunachal Pradesh civil aviation, urban affairs & land management minister, Balo Raja chuan New Delhi-ah union civil aviation minister Kinjarapu Rammohan Naidu hmuin, state chhunga aviation kaihhnawih thil pawimawh tak tak a sawipui.

Meeting-ah hian Secretary, Additional Secretary, Ministry of Civil Aviation (MoCA) aṭanga Joint Secretary, leh Airports Authority of India (AAI) official te an tel a, Raja hi Arunachal BJP President Kaling Moyong leh Officer on Special Duty (OSD) Rajesh Kamalan ten an ṭawiawm bawk.

Hruaitu pahnihten an thil sawidun pawimawh zingah air connectivity tih changtlun, airport infrastructure tih changtlun, Arunachal Pradesh puma aviation service ṭha zawk neih theihna tur te an tel.

Raja chuan Donyi Polo Airport kalpui a nih avangin prime minister Narendra Modi hnenah lawmthu a sawi a, mahse permanent terminal building sak zawh a nih loh avangin a lungawi loh thu a sawi. A rang lama sak zawh a nih theih nan ngenin, Ministry chuan June 2025-ah terminal thar chu peihfel a nih tur thu a lo tiam a ni.

Hei bakah hian Raja chuan Itanagar leh Delhi inkara thlawhtheiha nitin thlawh tir te, Kolkata/New Delhi leh khawpui dangte kalpawhna tur siam te, Guwahati kaltlanga khawthlang lam state-a flight service huang zauhte a dil. Naidu chuan heng flight service te hi terminal building thar hawn rual hian hman turin lo tiam a ni. Thlawhtheihna chuan man sang chungchang chu union minister Kiren Rijiju chuan PM Modi hnenah a lo sawi tawh a, sawi hona kalpui mek a nih thu Raja chuan a sawi.