Meghalaya: Sorkarin dan loa lungalhthei laihchhuahna hmun endik dawn

Justice BP Katakey (Retd) kaihhruai committee rawtna angin, Meghalaya sorkar chuan South Garo Hills-a Deputy Commissioner chu district chhunga dan loa lungalhthei laihchhuah leh phurh chhuah chungchanga rinhlelhte chu a hmuna endik turin a hriattir.

Justice Katakey chuan Thawhṭanni khan mi mal eng emaw zatin complaint an thehluh hnuah, sorkar chuan environmentalist Naba Bhattacharjee kaihhruaiin inquiry committee a din tih a sawi. Committee chuan chhui chianna neiin, an thil hmuhchhuahte an thehlut a ni.

State sorkar chuan South Garo Hills Deputy Commissioner chu a hmuna endikna nei turin a hriattir tawh a, kar khat chhunga report thehlut turin a hriattir thu Katakey chuan a sawi bawk.

Tun hnai khan Katakey committee chuan East Jaintia Hills, West Khasi Hills, South West Khasi Hills, leh South Garo Hills district-a lungalhthei paihna hmun km 1 huam chhungah aerial survey nei turin thupek a lo chhuah tawh a ni.