Assam: Hmeichhiate tan entrepreneurship support scheme tlangzarh

Assam-a Bharatiya Janata Party kaihhruai sorkar chuan Thawhlehni, April 1 khan hmeichhiate tan entrepreneurship support scheme a tlangzarh. He scheme ‘Mukhya Mantri Mahila Udyamita Abhiyan’ emaw Chief Minister Women Entrepreneurship Campaign emaw tih hi sorkar hmalakna lian tak niin, bill-ah hian hmeichhiate tan sum lama ṭanpuina kawng thum a awm a ni.

Chief minister Himanta Biswa Sarma chuan, "Kan nu te leh farnu te malsawmnain, Mukhya Mantri Mahila Udyamita Abhiyan tlangzarh a ni a, hmeichhiate tan mahnia hnathawhna kawnga hmasawnnan seed capital Rs 10,000 kan pe a ni," a ti. CM chuan hmeichhiate'n a kum hnihnaah Rs 25,000 an dawng dawn tih sawiin, a chanve chu sorkar puihna aṭanga pek a ni ang a, a chanve chu loan nominal interest rate-a pek an ni dawn a, hamṭhatna dawngtute chu kum thumnaah Rs 50,000 pek an nih tur thu a sawi bawk.

State sorkarin hmeichhiate tana hman tur multi-layered strategy a kalpui dan pawh tarlangin, a thlawna school kal leh eizawnna lama ṭanpuina aṭanga tar pension leh a thlawnin ei tur chi hrang hrang an pe dawn bawk a ni.