Tripura : 8th Pay Commission din dan tur ngaihtuah

Tripura sorkar chuan 8th Pay Commission din chungchang a ngaihtuah mek a, a hun takah thutlukna siam a ni ang tiin Tripura finance minister Pranajit Singha Roy chuan April 1 khan state assembly a hriattir. He thu hi session-a zawhna leh chhanna huna Congress MLA Gopal Chandra Roy zawhna a chhannaah a sawi a ni.

Finance Minister chuan sorkar laipuiin Eighth Pay Commission din tura rawtna chu kumin January 16 khan a puang tih sawiin, India rama state tumahin hemi chungchangah hian thutlukna an la siam lo a ti bawk.

Congress MLA Sudip Roy Barman-a zawhna dang chhangin, minister chuan state sorkarin Sixteenth Finance Commission hnenah sum leh pai chungchanga a ṭul zawng zawng a pe vek tih sawiin, Finance Commission chuan Tripura sum dinhmun a fak thu a sawi.

Dearness allowance (DA) pekchhuah chungchangah Finance Minister chuan state chhunga sorkar hnathawk leh pensioner-te hnena pek ṭhin a nih thu a sawi a, sorkar laipui hnuaia hnathawkte hnena DA pek leh state sorkar hnathawkte inthlauhna tih ziaawmna kawngah state sorkar chuan nasa takin hma a la mek tih a sawi bawk.