Assam : Sorkar leh ITC thawk dun

Assam sorkar hnuaia Directorate of Women and Child Development leh ITC Limited te chuan district 11 huam chhunga naupang enkawlna, zirna, hmasawnna, leh ei leh in lam tih chakna tura thawk dun turin Memorandum of Understanding (MoU) an ziak. He inremna hi April 2 khan ziah niin, Assam naupangte hmasawn nana ruahman a ni.

MoU ziahnaah hian mi pawimawh eng emaw zat telin, chung zingah chuan Directorate of Women & Child Development senior official leh ITC Limited, YouthInvest Foundation, leh Vikramshila aiawh te pawh an tel.

He thawhdunna hian district pasarih - Hailakandi, Goalpara, Dhubri, Barpeta, Baksa, Udalguri, leh Darrang-te bakah Nalbari, Morigaon, Kamrup Metro, leh Kamrup district-te a huam dawn a ni. Anganwadi thawktute chu naupang an enkawlna kawngah training a pe dawn a, hmeichhia leh naupang nuai 14 velin hamṭhatna an dawng dawn a ni.

Child Development Department Director, Gauri Sankar Sarmah chuan thu sawiin, ei leh in lama harsatna dona kawngah leh kum nga hnuai lam naupangte tih hmasawnna atana vantlang leh mimal sector hrang hrangte inpumkhatna a ngaih pawimawh thu sawiin, ITC Limited chungah lawmthu a sawi bawk. Women and Child Development Department chu ei leh in, naupang enkawlna, zirna, leh hmasawnna programme hrang hrangah an puih chhunzawm zel avangin lawmthu a hrilh bawk.