Nagaland : Tribal hotuin Indo-Myanmar ramri hung ti tawp turin ngen

Nagaland-a Mon district tribal chief, Angh hotu chuan sorkar laipuiin Indo-Myanmar ramri hung siam tura thutlukna siam tawh chu sut a, ramri Free Movement Regime (FMR) huam chin chu ti tlem zawk mai turin Pathianni khan sorkar laipui a ngen.

Kum 49 mi Chief of Angh, Tonyei Phawang chuan Mon district-a ramri lehlama awmte chu Konyak Naga hnam zinga mi an nih thu sawiin, ramri lehlamah chhungte an neih avangin an inzawm tlat tih thu a sawi. A rorelna hnuai khaw 35 zinga khaw 30 chu ramri lehlama awm niin, an awmna lamah khaw panga chauh a awm tih a tarlang.

Ram lehlam, Konyak khuaa chengte pawh an chhungkaw mamawhna avangin an lo kal fo thin tih sawiin Mon khawpui chu mamawh lamna atan a awlsam zawk avang te, an fate pawhin hetiang facility nei lo Myanmar lam pan ai chuan state sorkar enkawl zirna in an pan thu a sawi bawk a ni. Sorkar laipuiin Indo-Myanmar ramri a hung a nih chuan Konyak Naga-te chuan nasa takin an tuar dawn tih a sawi bawk. Tribal hotu a nihna angin, a mi leh sate aiawhin sorkar laipui chuan an thutlukna chu ngaihtuah nawn leh a, mipuite hamṭhatna ngaihtuah turin a ngen thu a sawi a ni.