MoS (Defence)-in Tawang a tlawh

Union Minister of State for Defence Dr Subhash Ramrao Bharke chuan Nilaini khan Aruna­chal Padesh a tlawh a, "Paradise an sawi ṭhin chu he lai hmunah hian a lo awm reng a ni" tiin Tawang chu paradise an sawi ṭhin ang mai a nih thu a sawi

MoS chuan Tawang chu kawng hrang hrang­ah hmasawnna tur ngaihtuak sak a tiam a, ramri hnaia awm a nih avangin inkalpawhna
ṭha chu ngaih pawimawh hmasak a nih tur thu a sawi. Amah ṭawiawmtu Union Minister Kiren Rijiju chuan Bharke chu fakin, hmarchhak mipuite harsatna tawh a hmun ngeiah kala a enpui chu lawmawm a tih thu a sawi. Inkal­pawhna ṭha tawk lo chu harsatna lian ber a ni tih sawiin, kawng hrang hranga hma lakpui turin a sawm a ni.

Tawang MLA Tsering Tashi chuan MoS (Defence) hnenah hian an harsatna te lo thlenin, Trans Aru­nachal Highway siamna atan mimal ram lak neitute hnena zángna­dawmna pek chhuah thuai an duh tih a sawi.MoS (Defence) Dr Subhash Ramrao Bharke chuan hi Kiren Rijiju bakah, Lt.General Suresh Sharma, DG leh BRO-te'n an zui a, Army, paramilitary force leh khawtlang hruaitu ṭhenkhatte chu Zomkhang Hall-ah meeting a neihpui bawk.