Assam CM-in Indo-Bangla border ngai pawimawh

Assam Chief Minister Sarbananda Sonowal chuan Indo-Bangla border chu a kaihhruai sorkarin a ngaih pawimawh ber zinga mi a nih thu Ningani khan a sawi.

Guwahati-a deputy commi-ssioner-te leh superintendent of police-te conference-ah he thu hi sawi chhuakin Assam CM chuan,“Sorkar laipui chuan ramri a ngai pawimawh hle a, ramri hung hna chu India Army-te'n an thawk dawn a ni" a ti. Ramria dan loa lut leh chhuak
ṭhinte chuan ram himna an tiderthawng thei a ni, a ti bawk. Sonowal chuan, DC leh SP-te chu heng mite lakah hian dan khauh taka lekkawh tur leh, dik taka thawk turin a fuih. Police officer-te chu an hnaa rinawm tura a duh thu sawiin, mipui rawngbawltu an nih hrereng turin a duh tih a sawi bawk.

Sonowal chuan, “Mi rethei ber pawhin sorkar office-ah kalin a harsatnate a thlen a, chu chuan sorkar-ah mipuiten beiseina an nei tih a tilang chiang hle a ni" a ti. Mipui aṭangin sorkar kal danah sawiselna an dawn fo ṭhin thu leh, eirukna chungchangah pawh complaint an dawng tih a sawi a, DC leh SP-te chu eirukna vengtuah ṭang thei turin a fuih bawk.