Assam-ah GNLA-te'n mi pakua man

National Liberation Army (GNLA) helte chuan Ningani khan Assam-a sumdawng mi pakuate chu South Garo Hills-a Songotagre khuaah an man a, an vai hian South Salmara, Mancachar district ami vek an ni.

He thil hi zing lam dar nga vela thleng niin, sum-dawngte chu Mahindra pick up hmanga Silkigre pana an tlan lai chu GNLA-te chuan lo tidingin, an hreng zui a ni. Police-te chuan pawikhawihna thlenna hmun hi an pan nghal a, a rubotute hian Songotagre khuaa ramngawah an bikbopui niin an sawi. Rukbote zawn chhuah hna hi thawh nghal a ni a, an chuanna motor chu hmuh let a ni tawh.

Sumdawngte hian bungraw lamkhawm turin Silkigre hi an pan a, Pickup 30 vel inzuiin, an zinga pakhat chu GNLA-te hian lo tidingin, a chuangte chu vau betin, an rubo zui a ni. South Garo Hills Superintendent of Police Anand Mishra chuan, rukbote chhanchhuak tur hian police team thum tirh nghal an nih thu leh, GNLA-te kut aṭanga him dam taka chanchhuah an tum thu a sawi.

GNLA-te'n an man zingah hian motor khalhtu Akhirul Islam, kum 21 pawh a tel a ni.