Union minister-in Loktak Lake ngaipawimawh

Union Minister of State for Environment, Forests and Climate Change Anil Madhav Dave chuan, tourism lama Manipur tih hmasawnna pakhat atan Loktak Lake tihchangtlunna tur ngaihtuah turin sorkar laipuiah rawtna a thlen tur thu a sawi.

Union Minister hian kar kalta khan ni hnih chamin Manipur a tlawh. Dave chuan Delhi a let leh hunah Loktak Lake tihchangtlunna tura ruahmanna siam turin minister-te a sawipui tur thu leh, United Nation tlenga thlen a tum thu a sawi a ni. Manipur a cham chhung hian Loktak Lake a tlawh a, hmasawnna hnathawh hrabng hrangte a enpui a ni. Union miniter hi state environment minister Irengbam Hemochandra leh senior official eng emaw zatin an ṭawiawm a ni. Minister hian Keibul Lamjao National Park (KLNP) pawh a tlawh. KLNP hi hmun danga hmuh tur awm zen zen lo Sangai awm-na hmun a nih avang-in ngaihhlut a hlawh hle.

Loktak Lake hian kawng tam takah Manipur tan malsawmna a thlen mek a, hydropower generation atan te, tuilak leh mipui mamawh tui lakna hnar ber a ni.