Tripura-ah hnathawh tur nei lo pung chak ber

Labour Bureau-in unemployment rate report a tih chhuahah, kum 2015-16 chhungin unemployment rate chu 5%-in ṭhang. India rama state leh union territory zingah Tripura chu unemployment rate ṭhan chakna ber niin, kum khat chhunga a ṭhanna chu 19.7% a tling a ni.

Hnathawk thei hna thawh tur nei silo hi kum tinin a pung cho zel a, kum 2015-16 chhung hian hmeichhia bikah a pung chak zual. Hmiechhe hna thawh tur neilo punna hi 8.7% a ni a, hetihlai hian mipa chu 4.3% chauhin a pung thung. BJP kaihhruai sorkar-in ṭhalai tam zawkten hna thawh tur an neih theih nana ‘Make in India’ a kalpui chuan awmzia a la nei lutuk lo niin a lang. 5th annual employment-unemployment survey hnuhnung berah khan India ramah hian chhungkaw khataa cheng 77% zet chu eizawnna mumal neilo anga chhut a ni.

Unemployment rate hi kum 2013-14 khan 4.9-in a ṭhang a, 2012-13 ah 4.7, 2011-12 (3.8) leh 2009-10 (9.3)-te niin, tun hnaia report tioh chhuah tawh ah kum 2009-10 chu hnathawh tur nei lo pun chak ber kum a ni. Thingtlang bikah unem-ploy-ment rate hi 5.1% in a pung a, khawnpuiah 4.9% in apung thung a ni. Tripura bakah hian hmar-chhak state sang Sikkim chu a sang pahnihna niin, hna neilo 18.1% in an pung a ni. Lakshadweep (16.1%), Andaman & Nicobar islands (12.7%), Kerala (12.5) leh Himachal Pradesh (10.6%) ten an dawt a ni.