Municipal election-ah hmeichhe tan seat 33% hauhsak dawn : Nagaland CM
Nagaland Chief Minister TR Zeliang chuan municipal bodies/town council election-a hmeichhe tana seat 33% hausak tura state sorkarin thutlukna a lo siam tawh chu kaltlangpui a nih tur thu Pathianni khan a sawi.
TR Zeliang chuan Pathianni khan Naga Mother Association (NMA) leh Joint Action Com-mittee on Women Reservation (JACWR) te chu chief minister office-ah meeting a neihpui a, thutlukna lo siam tawh chu kalpui a nih tur thu hi a sawi a ni. CM chuan, "Dodalna awm bawk mah se cabinet-in a lo pass tawh angin, municipal bodies/town council election neih turah hmeichhe tan seat 33% hauhsak a ni ang" a ti. Ruahman lawk ang chuan municipal election chu November-ah neih tum a nih thu sawiin, harsatna a awm a nih chuan December-ah emaw, nakum Januray-ah emaw neih a ni ang, a ti.
Zeliang chuan state tana ṭha tura sorkar hmalakna chu thlawp tura a duh thu sawiin, pawl hrang hrangte chu hmeichhe tana seat hauhsak a nih avanga harsatna siam lo turin a ngen. Municipal election neih tura hmeichhe tana seat 33% hauhsak a nih tur thu puan a nih khan, pawl hrang hrangte chuan duhlohna lantirin, nawrh huaihawt a ni zui bawk. Hetih lai hian Naga Mother Association (NMA) chuan state sorkar chu a thutlukna siam tawh kaltlangpuim turin a kar ve reng a, state sorkar chuan dodalna karah kaltlangpui a nih tur thu hi a tichiang ta a ni.