Manipur-ah regional party pahnih a piang

Kum 2017-a Manipur state assembly election neih tur chuan thawm nei lian chho zelin, kar kalta Zirtawpni khan regional party pahnih a ding thar.

Party ding thar hi - Manipur National Democratic Front (MNDF) leh Meeyamgi Thougalloi Manipur (MTM) te a ni. Senior politician Ch Pri-yokumar chu MNDF president atan thlan a ni a, Congress minister hlui Bijoy Koijam chu MNDF senior vice-president atan ruat a ni a. Lein Gangte chu vice-president-cum-spokes-person atan ruat a ni a, amah hi JD (U) Ma--ni-pur unit-a secretary ge--neral hlui a ni. Gangte chuan valley-ah candidate 30 thehchhuah an tum thu sawiin, hill-ah can-didate 10 neih theih an in-beisei tih a sawi. MNDF chuan Inner Line Permit move-ment a thlawp dawn tih Gangte chuan a sawi bawk.

Hetih lai hian BJP chhuahsantu Colonel (Retd) Chugkham Joyraj chu MTM convener atan ruat a ni. Meeyamgi Thougalloi Manipur (MTM) hian eng tiang chiahin nge an kal dawn an la tarlang lo thung. Kum 2017-a Manipur state assembly election neih turah hian rorellai Congress party leh BJP chu inbei hle tura ngaih an ni. Central lama party hruaitu lawk
ṭhenkhat chu Manipur-ah hian campaign neiin an chhuak fo a, chung zingah chuan BJP president Amit Shah pawh a tel.