Assam sorkar-in sorkar laipui ngaichang

Assam Chief Minister Sarbananda Sonowal chuan China-in Brahmaputra lui fintu Xiabuqu lui a danchah chungchangah hma la thuai turin sorkar laipui a phut tih a sawi.

Assam CM chuan China hmalakna chungchangah sorkar laipui hmalakna an ngaichang mek tih sawiin, hma la thuai tura an phut thu a sawi. Media lamin China-in Tibet rama Brahmaputra lui fintu Xiabuqu lui lui a dangchat anga tarlan chu finfiah thuai an duh tih sawiin, external affairs leh water resource ministry-te chu che chhuak thuai tura an beisei thu a sawi a ni. Kar kalta khan China agency Xinhua chuan, China-in Brahmaputra lui fintu a dan chah thu hi a tarlang a ni.

Brahmaputra lui fintu, Xiaubugu lui tui dan chah hian India ramah ngawng
ṭha lo a nei dawn em tih zirchian mek a ni. Xiabuqu lui hi km 195-a thui niin, Tibet-a awm a ni. China hian nikum khan dollar tluklehdingawn khat chuang senga siam, Zam Hydropower Station chu a lo hawng tawh a, hei pawh hi Brahmaputra fintu lui tui khuapa siam tho a ni.