Tripura : Bangladesh drone nia rinhlelh ramriah hmuh a ni

South Tripura district-ah Thawhṭanni khan Bangladesh ramri bul, buh chinna hmunah Bangladesh lam aṭanga lo kal nia rinhlelh drone hmuh a ni.

Belonia police station-a official-te chu Ballamukha khuaa barbed wire fencing aṭanga metre 300-350 vela hlaah police constable hlui pakhatin drone a hmuh hnuah hriattir an ni.

Police team chu a hmunah hian kal nghalin, ramri bial hmun derthawng lai takah drone hi a lo chhuahna leh a thlawh chhan finfiah tumin chhui chian hna an thawk nghal a ni. Belonia police station-ah drone hi dah mek a ni a, data lakchhuahna atan forensic examination neih ṭan an tum tih an sawi bawk a, tun thlengin an la finfiah loh thu senior police officer chuan a sawi.

Tripura hian Bangladesh nen international ramri km 856-a thui a nei a, a tam zawk hi barbed wire-a hung an ni. Barbed wire fencing hi kum 20 dawn kalta aṭangin thawh ṭan an ni tawh.

March thla tir lam khan BSF sipaite chuan bawng, buhfai, ruihhlo, leh thil dang Rs vbc 2.88 man hu an lo man tawh a ni. Ramri-a bungraw tawlh ruk leh thil sual dang thleng tur venna atan a rualin operation leh coordinated patrol 61 buatsaih a ni bawk.