Manipur-ah Truck pahnih hal

Manipur-a Senapati district-ah Pathianni khan sorkar laka lungawi lohna lantira nawrh huaihawt, Contract Basis Appointed Teachers Association (CBATA) te chuan Truck pahnih an hal.

Truck-te hi Imphal-Dimapur National Highway 2-ah hal an ni a, Dimapur aṭanga Imphal pana tlan an ni. Truck hal a nih thu hriat a nih veleh Senapati police-te chuan a hmun an pan nghal a, buaina lian tham a chhuak zui lo nia hriat a ni. CBATA-te hian hun rei tak chhung hlawh an lak theih tawh loh avang leh, Autonomous District Council-in an hnaah a dah ngheh mai loh avangin nawrh hi an huaihawt a ni. Kum 2011 khan con-tract teacher 136-te hi state sorkar chuan a la a, kum ruk chhungin hlawh an la la lo nia tarlan a ni. Autonomous District Council, Senapati chuan ex-chairman leh ex-CEO-te chuan hna lak hi dik lo takin an kalpui niin an sawi.

Pathianni vek khan Manipur-Myanmar inrina-a, boundary pillar No.79 bulah zan dar riat velah bomb a puak a, police leh Assam Rifles-te chuan bomb puahna hmun hi pan nghalin an chhui chiang mek a ni.