Goyal-a'n AP CM hmalakpui tiam

Arunachal Pradesh Chief Minister Pema Khandu chuan Thawhṭanni khan Union Minister of State for Power Piyush Goyal chu New Delhi-ah hmuin, power sector-a hmasawnna hnathawh meka harsatna an tawhte a sawipui.

Khandu chuan sorkar laipui sum hmanga Khup-Tawang, Rupai-Namsai, Bomdila-Kalaktang leh Likabali-Basar-a 132 KV transmission grid pro-ject hna thawh mekah, inkalpawhna chhia avanga harsatna an tawhte union minister hi a sawipui a ni. Tezu-ah 89 MW solar park din a nih theih nana hmalakpui turin a ngen bawk. Goyal chuan Khandu-a rawtna thlente chu bawhzui sak a tiam bakah, ministry chuan power tam zawk thar chhuak tura hmalakna te a bawhzui zel tur thu a lo hrilh a ni. Khandu chuan an state sum lakluhna pawimawh tak Namchik-Namphuk coal field tihchangtlunna kawnga hmalakpui turin Goyal chu a ngen bawk.

Arunachal hi India rama power siam chhuah kawnga hma bak nei eng ber te zinga mi niin, sorkar laipui leh state sorkar chuan hmachhawp eng emaw zat an duang a ni.